Ashtu siç pritej, ka nisur me tensione seanca e sotme plenare në Kuvend, ku fillimisht janë betuar dy deputetët e rinj Andrea Mano dhe Erjon Meka dhe më pas ka nisur raportimin ministrja e Arsimit, Ogerta Manastirliu për projektligjin për kapjen e Shkencës dhe Kërkimit Shkencor.
Deputetët demokratë të papërjashtuar janë futur në sallë dhe kanë tentuar të bllokojnë foltoren, por që nuk ia kanë dalë dot, për shkak se efektivët e Gardës të shumtë në numër kanë rrethuar foltoren, duke i siguruar që ministrat e Ramës të flasin të qetë.
Më pas, deputetët demokratë kanë marrë karriget e tyre dhe i kanë nxjerrë jashtë, duke i kthyer përmbys në oborrin e Kuvendit dhe kanë vendosur pankarta kundër Qeverisë sipër tyre.
