Ish-kreu i Operatori i Shpërndarjes së Energjisë Elektrike (OSHEE) dhe ish-drejtuesi politik i PS-së për Qarkun e Durrësit, Ardian Çela është paraqitur mëngjesin e kësaj të enjte në Prokurorinë e Posaçme (SPAK).
Ende nuk dihen detajet se për cilën dosje, Çela do të merret në pyetje nga oficerët e Byrosë Kombëtare të Hetimit.
Ai mund të jetë i përfshirë në dosjen e ish-deputetit socialist Jurgis Çyrbja, të cilin nga bisedat e aplikacionit “Sky Ecc”, u zbulua se kishin ndikuar personazhe të njohur të botës së krimit në Durrës që në zgjedhjet parlamentare të vitit 2021 ta vendosnin të tretin në listën e PS-së për të qenë më i sigurt në marrjen e mandatit të deputetit.
Vlen të theksohet fakti se në ato zgjedhje ka qenë Ardian Çela drejtues i PS-së për Durrësit dhe ka qenë ai i cili ia ka dërguar listën paraprake të kandidatëve për deputet Kryesisë së partisë për miratim.
