Policia e Tiranës ka reaguar zyrtarisht në lidhje me shoqërimin në polici të 61-vjeçarit Dilaver Nelajt, i cili ditën e djeshme përpara Kryesisë së Kuvendit të Shqipërisë, qëlloi me vezë eurodeputetin Fredi Beleri.
Policia bën me dije se Nelaj do të procedohet në gjendje të lirë për veprat penale “Kanosja” dhe “Prishja e qetësisë publike”.
Njoftimi i policisë:
Specialistët për Hetimin e Krimeve të Komisariatit të Policisë Nr. 2 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, ku filloi procedimi në gjendje të lirë për shtetasin D. N., 61 vjeç, banues në Tiranë, për veprat penale “Kanosja” dhe “Prishja e qetësisë publike”, parashikuar nga nenet 84 dhe 274 të Kodit Penal.
Ky shtetas, ditën e djeshme, përpara Kryesisë së Kuvendit të Shqipërisë, dyshohet se ka goditur me produkte ushqimore shtetasin F. B., me detyrë eurodeputet.
Materialet procedurale i kaluan Prokurorisë, për veprime të mëtejshme.
Lexo edhe:
Sulmoi me vezë dhe kos Fredi Belerin, shoqërohet në polici Dilaver Nela
