Deputeti i PD, Dashnor Sula ka reaguar në lidhje me ngjarjen e ndodhur në Shkodër, ku u shënuar 2 viktima nga një atentat me armë zjarri.
Në një postim në Facebook, Sula shkruan se rendi publik ka rënë, pasi policia është në shërbim të krimit të organizuar, ndërkohë, kriminelët marrin jetë njerëzish në mes te ditës.
Poastimi i Sulës:
Shteti nen pushtetin e bandave.
Tronditëse ngjarja ne Shkodër. Kriminelët morën jetë mu në mes të ditës.
Organet e rendit duhet te ngrihen ne këmbë e te kapin autoret.
Për fatin e keq të shqiptarëve, ky është realiteti në Shqipëri. Ministër i Brendshëm dhe Drejtori i Policisë së Shtetit ngrihen në mëngjes dhe flenë duke menduar se si të burgosin e përndjekin opozitën ndërsa bandave, krimit të organizuar i hapin krahun.
Rendi publik ka rënë në Shqipëri. Siç kanë konfirmuar edhe komunikimet në aplikacionet sekrete, Shumica e drejtuesve të Policisë së Shtetit janë në shërbim të krimit të organizuar.
