Një aksident me vdekje është regjistruar në Tiranë, ku një automjet ka përplasur një këmbësore. Ngjarja ka ndodhur rreth orës 17:20 të pasdites së djeshme në Valias.
Autoritetet policore raportojnë se shtetasi E. S., 24 vjeç, duke drejtuar automjetin e tij, ka përplasur shtetasen L. B., rreth 63 vjeçe. Kjo e fundit ka mbetur e plagosur dhe është dërguar në spital, por nuk ka arritur dot t’u mbijetojë plagëve të marra dhe ka ndërruar jetë gjatë natës.
Grupi hetimor po vijon punën për sqarimin e plotë të rrethanave të aksidentit.
