Nga Basir Çollaku
Mund të jetë darka e fundit. Por më mirë për atë se për një popull. Kur padrejtësia bëhet ligj, rezistenca është detyrim. Sot ora 17, PD, aleatët e saj kanë ftuar shqiptarët në aktin e mosbindjes civile. Bllokim të disa rrugëve kryesore në vend duke përfshirë Tiranën. Veprimi është i domosdoshëm. Ashtu siç po paralizohet e destabilizohet me të drejtë Parlamenti jo funksional, duhet bërë në të gjithë vendin. Në kushtet e emergjencës kombëtare, jemi në gjendjen e rënduar, ku qytetarët rrezikohen nga qeveria e tyre. KM Rama është individ me rrezikshmëri të lartë shoqërore. Rreth tij janë grumbulluar bandat dhe Krimi i Organizuar. Mafia kombëtare dhe ndërkombëtare, është ortake me të, por ka paketën e kontrollit mbi të.
Janë asgjësuar dhe cënuar në ekstrem nga këta keqbërës:
Siguria Kombëtare
Pluralizmi
Demokracia
Zgjedhjet
Sundimi i ligjit
Ekonomia
Liria e fjalës
Vëllazëria e gjakut me Kosovën
Mjaftueshëm mungesa ekzistenciale për të thënë se jemi në autokraturën”Rama”. Opozita e gjitha në burg. Trafiku i drogës, pastrimi i parave, trafik mbetjesh vrasëse toksike, shitja e Shqipërisë si plaçkë tregu, janë bërë fatkeqësi të përditshme. Shpopullimi, është genocidi i kësaj qeverie ndaj banorëve të saj, i pandodhur në këtë përmasë nga asnjë pushtues, nga lindja e kombit deri më sot. Largojmë një bandë mafiozësh apo një popull?! Shqipfolësi antishqiptar, i mund të gjithë armiqtë tanë, duke dalë më i ligu ndër ta. Socialistët nuk qeverisin. Të majtët nuk janë në pushtet. Ata nuk janë anëtarë bandash. Ata duan çlirimin dhe ndarjen nga zaptuesi i partisë së tyre. Revolta e opozitës është edhe për ata që nuk e kanë votuar. Kjo është ofertë lirie. Ndaj pengmarrjes së jetës dhe pronës. Nëse mungoni në protestë, në rrugë sot, nuk do gjeni rrugë për vete nesër. 27 vite në pushtet kërkon edhe 40 të tjera. Çmenduria e tij konkuron diktatatorin, qoftlargun. Ky vrasës i Shqipërisë duhet larguar me minuta. Mos ua kërkojmë ndërkombëtarëve dhuratë. Ta shporrim ne. Nëse vonojmë, nëse e lëmë në duart e pengut të Mafias, atëherë Shqipëria rrezikon të mungojë në hartën e Evropës dhe të botës. Bashkë me ne..
