Mario Balotelli rikthehet zyrtarisht në futbollin italian. Sulmuesi, i cili ka qenë pa klub pas përfundimit të kontratës së tij me Adana Demirsporin, në qershor, tani i është bashkuar Genoas, siç ka bërë të ditur klubi përmes rrjeteve sociale këtë të hënë.
“Mario Balotelli është lojtar i ri i Genoas”, Sulmuesi italian, i lindur në Palermo më 12/09/1990, ka nënshkruar një kontratë me klubin e tij të ri.
Gjatë gjithë karrierës së tij, Balotelli ka fituar nëntë tituj në nivel profesional me klubet e tij. Në kombëtaren italiane ai ishte golashënuesi më i mirë dhe nënkampion në Euro 2012, duke grumbulluar gjithsej 36 paraqitje dhe 14 gola. Mirë se vjen në Genoa, Super Mario!”- konfirmojnë kuqeblutë në llogarinë e tyre zyrtare X.
34-vjeçari do të rikthehet të veshë fanellën me numrin e tij ikonik 45, pasi kishte numrin 9 në periudhën e tij të fundit në klubin turk.
Genoa tani është klubi i pestë italian për të cilin Balotelli luan pas Interit, Milanit, Brescias dhe Monzës.
Mario Balotelli è un nuovo giocatore del Genoa
Mario Balotelli è un nuovo giocatore del Genoa. L’attaccante italiano, nato a Palermo il 12/09/1990, ha firmato il contratto con il suo nuovo club. In carriera Balotelli ha vinto nove titoli a livello professionistico con le… pic.twitter.com/dkf54qgpUZ
— Genoa CFC (@GenoaCFC) October 28, 2024
