Analisti Armand Shkullaku ka komentuar shpenzimet e luksit të Edi Ramës, gruas dhe djalit të tij, në udhëtimin e tij të fundit në SHBA.
Shkullaku gjatë diskutimit ka kërkuar të dijë nga Edi Rama, se kush e kishte ftuar në ndeshjen hapëse të NBA ne ‘Madison Square Garden’. Shkullaku ngriti pyetjen se, cilën copë nga Shqipëria ka dhuruar Edi Ramë, për ‘nderin’ që i bënë në SHBA?
“Vetëm me një goditje, kryeministri i vendit më të varfër në Europë, zhdukur nja 200 pensione vjetore, gruan, djalin dhe ndonjë tjetër që kishte në enturazh, shikojnë ndeshje në NBA.
Dhe po flasim për një njeri që deri në vitin 1998, ka qenë emigrant vetë dhe për respekt ndaj tyre nuk duhej ta bënte atë gjë. Një njeri që me forcat e veta nuk ka jetuar dot, nuk ka prodhuar diçka që me të ardhurat e tij të jetonte.
Ky njeri ka 26 vite që paguhet me taksat e mia, nga taksat e shqiptarëve dhe nuk ka bërë asgjë të veten. E këto 26 vite është bërë me saraje në Surrel.
I vjen rrobaqepësi nga Milano dhe ja bën kostumet mazë. Nuk le ndeshje pa parë, futboll, basketboll, udhëtime, me Nusret, 1 mijë euro shishja e verës. Fëmijët në shkolla private, me çfarë i bën ky? Se ky paguhet njësoj si çdo deputet i Kuvendit dhe si kryeministër.
Ky i gjen ky këto lek?
Çështja nuk është pse ky i bën këto shpenzime, por që ky nuk jep llogari dhe nuk ekziston në asnjë vend normal që kryeministri i një vendi të mos deklarojë se ku do të shkojë, me kë do të shkojë dhe me çfarë shpenzimesh do të shkojë.
Imagjinoni që mediat gjermane të zbulonin kancelarin Scholz në hapjen e NBA në ‘Madison Square Garden’. Gjermania është fuqia e botës. Imagjinoni se çfarë do të bënin mediat gjermane, që kancelari bashkë me gruan.
E mban mend se çfarë i bënë Melonit, kush ti paguajti pushimet në Shqipëri, pse ke vajtur në Shqipëri e doli zëdhënësja e vet me transparencë. Edhe një kafe që nuk e kishte paguar, e i tha ambasadorit paguaje, u bë nami.
Është puna tek përgjegjësia ndaj atyre që të paguajnë.
Ai thotë se më ftuan, por ky nuk ka miq. Kush janë këta miq?
Janë miq që marrin copa Shqipërie, që marrin konsulenca, si Toni Bleri, gruaja, janë miq që bëjnë konsulenca e hapin biznese, si D’Alema.
Pra nëse janë këta miq, këta nuk janë miq, që ky të shohë një ndeshje baskebolli, ai prap do të japë një copë nga prona jonë.
Për mua, vetëm me ato pamje, në një vend normal, kryeministri jep dorëheqjen.
Dorëhiqet për dy arsye.
E para se ka vajtur në një aktivitet të painformuar përpara, qytetarët e tij që e paguajnë. Dhe e dyta, si do që ai ti përgjigjet pyetjes se kush ta paguar biletën, çfarë do nga përgjigjet e rrëzojnë. Po tha vetë, ku i ke gjetur. Po tha të tjerët, është konfikt interesi, nuk pranohen dhurata mbi 100 mijë lek. Pra Edi Rama është i rënë’” tha Armand Shkullaku per Syri tv.
