Gjykata e Posaçme ka dënuar me 1 vit burgim Agim Locin, i akuzuar për blerje votash në zgjedhjet lokale të 14 Majit të vitit 2023.
Ai është shpallur fajtor për veprën penale të “Korrupsioni aktiv në zgjedhje”, teksa vendimi është marrë nga trupa gjykuese e përbë nga gjyqtarët Erjon Bani, Flojera Davidhi dhe Rudina Palloj.
Për shkak të gjykimit të shkurtuar, Agim Locit i është ulur dënimi me 1/3-ën, në 8 muaj burgim. GJKKO urdhëroi pezullimin e dënimit me burgim, duke detyruar të pandehurin Agim Loci të kryejë 80 orë punë në interes publik.
Kjo masë do të realizohet për një periudhë prej 6 muajsh, nën mbikëqyrjen e Shërbimit të Provës, dhe ka për qëllim rehabilitimin e tij dhe integrimin në shoqëri.
Agim Loci akuzohet se i ka ofruar 10 mijë lekë të reja një qyetari me inicialet A.K. që ky i fundit të votonte vajzën e tij, kandidate të opozitës, për anëtare të Këshillit Bashkiak në Vorë.
