Komisioneri Publik kërkon shkarkimin e prokurores së Vlorës, Flora Çela e cila më 23 shtatori u konfirmua në detyrë nga Komisioni i Pavarur i Kualifikimit.
Ankim i Komisionerit Publik vjen për shkak se prokurorja Flora Çela ka disa probleme me deklarimin e pasurisë. Duke iu referuar ILDKPKI, Komisioneri Publik raporton se Çela ka këto probleme me:
i. deklarimi i pasurisë nuk është i saktë në përputhje me ligjin;
ii. ka mungesë dokumentacioni ligjor për të justifikuar pasuritë;
iii. nuk ka kryer fshehje të pasurisë ndër vite;
iv. nuk ka kryer deklarim të rremë;
v. subjekti nuk gjendet në situatën e konfliktit të interesave. KETU LEXO TE PLOTË ANKIMIN:
- Kush është prokurorja Flora Çela?
Komisioni i Pavarur i Kualifikimit, KPK shpalli më 23 shtator vendimin e konfirmimit në detyrë të prokurores së Vlorës, Flora Çela. Vendimi u mor pas përfundimit me sukses të trajnimit njëvjeçar pranë Shkollës së Magjistraturës.
Prokurorja Çela u pezullua nga detyra më 17 tetor 2023, pasi u konstatuan mangësi në kriterin profesional, por që u vlerësuan se mund të plotësoheshin duke ndjekur rishtazi programin e trajnimit pranë Shkollës së Magjistraturës.
Flora Çela përfundoi studimet në Shkollën e Magjistraturës në vitin 2008 dhe punon prej asaj kohe si prokurore në Prokurorinë e Vlorës.
