Kreu i Partisë së Ballit Kombëtar (PBK) dhe ish-deputeti, Artur Roshi, u mor sot në pyetje nga Prokuroria e Posaçme (SPAK).
Ai ka qëndruar për më shumë se 3 orë në SPAK lidhur me një kallëzim që është bërë nga një qytetar në qytetin e Sarandës. Ky i fundit e akuzon se ka kryer një ndërtim pa leje.
Në një komunikim për mediat vetën Artur Roshi ka thënë se nuk ka asgjë gjë të tillë.
“Nuk është se kam ndonjë interes për t’u shprehur para mediave, por meqë ju këmbëngulni, unë them se ishte një gjë rutinë që kishte të bënte me një problem të hershëm me një pretendim të jashtëligjshëm nga ana ime në qytetin e Sarandës. Në lidhje me disa blloqe betoni që ishin hedhur në pronën time që kishin të bënim me trotuarin e rrugës, i cili u ndërtua me një leje ndërtimi sipas lejes së Bashkisë së Sarandës dhe me një togë rëre i cili edhe ai sipas deklaratës së punimeve ishte po me lejen e bashkisë së Sarandës. Thjesht dhashë përgjigje për këto. Nuk besoj që jam nën hetim”, deklaroi ai.
