Një 35-vjeçar, i shpallur në kërkim për plagosjen e një shtetasi me armë zjarri, ngjarje e ndodhur në muajin shkurt të vitit 2024, u arrestua nga policia në Malësinë e Madhe.
Policia njoftoi se shtetasi Emirjon (Mirush) Hasaj 35 vjeç u kap në Bajzë.
Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Plagosja e rëndë me dashje” dhe “Prodhimi dhe mbajtja pa leje e armëve luftarake dhe municionit”.
Emirjon (Mirush) Hasaj më datë 29 shkurt të këtij viti në Koplik, dyshohet se për motive të dobëta, ka qëlluar me armë zjarri pistoletë dhe ka plagosur në këmbë shtetasin Genti Dulaj, 32 vjeç.
Materialet procedurale i kaluan Prokurorisë, për veprime të mëtejshme.
