Një kamion u përplas në një stacion autobusi në Tel Avivi, në zonën ku ndodhet selia e shërbimit inteligjent Mossad.
Më shumë se 40 persona janë plagosur, 6 prej tyre në gjendje të rëndë. Eli Bin, drejtor i shërbimit të shpëtimit të Izraelit tha se kamioni kishte përplasur një autobus.
Mes të plagosurve ka pasur qytetarë, por edhe ushtarë të Izraelit që ishin grumbulluar për tu nisur në front.
Policia dyshon për një sulm terrorist. Media izraelite raportojnë se ‘autori i sulmit’ u neutralizua.
Tensionet janë rritur që nga shpërthimi i luftës në Gaza, pasi Izraeli ka kryer bastisje të rregullta ushtarake në Bregun Perëndimor.
Në qytetet kryesore të Izralit muajt e fundit ka pasur akte terroriste dhe tentativa për të sulme masive.
Objekt i sulmeve kanë qenë forcat e sigurisë, por më shumë raste sulmet kanë qenë kundër qytetarëve.
