Një aksident me pasojë vdekjen ka ndodhur në aksin rrugor Lushnjë-Tiranë.
Sipas policisë, një këmbësor 56-vjeçar ka humbur jetën si pasojë e përplasjes me makinë, ndërsa shoferi është shoqëruar në komisariat.
“Rreth orës 02:00 të mëngjesit, në aksin rrugor “Lushnjë-Tiranë”, shtetasi L. B., duke drejtuar automjetin, ka përplasur këmbësorin, shtetasin M. K., 56 vjeç, i cili si pasojë e përplasjes ka humbur jetën në vendngjarje.
Shtetasi L. B., u shoqërua në Komisariat për veprime të mëtejshme”, njofton policia.
Grupi hetimor po punon për sqarimin e plotë të rrethanave të aksidentit.
