Protesta e radhës e opozitës do të jetë më e zgjeruar se ajo e 7 Tetorit që u zhvillua në Tiranë.
Mësohet se protesta e 29 Tetorit do të shoqërohet me bllokime rrugësh në disa zona të vendit.
I vendosur të mbahet në orën 17:00, aksioni i radhës i opozitës pritet të sjellë bllokim rrugësh në Kthesën e Kamzës, Milot, Shkozet, rrethrrotullimi i Rrogozhinës, Levanit dhe Bradasheshit.
Kjo protestë bëhet në kuadër të aksionit për mosbindje civile, për shkak se PD kërkon Qeveri teknike para zgjedhjeve parlamentare të vitit 2025 për të mbajtur zgjedhje të lira dhe të ndershme.
Protestës së 29 Tetorit është deklaruar se do t’i bashkohen edhe anëtarët e Partisë së Lirisë.
