Një aksident i rëndë ka ndodhur këtë të enjte në unazën e qytetit të Korçës, ku një pensionist rreth moshës 70-vjeç është përplasur për vdekje.
Viktima nuk është identifikuar ende, ndërkohë që mjeti i cili e ka përplasur është larguar nga vendngjarja.
Ende nuk dihet në qoftë se ka shkuar drejt spitalit të Korçës apo është larguar nga vendi i ngjarjes.
Policia dhe grupi hetimor kanë mbërritur në vendin e ngjarjes dhe po vijojnë punën për zbardhjen e rrethanave të aksidentit.
