Pesë muaj pas dhunës brutale nga 4 persona, avokti Sokol Mengjesi është rikthyer sot në GJKKO për të përfaqësuar ish-kryeministri Sali Berisha për dosjën “Partizani”.
Sokol Mëngjesi është paraqitur në GJKKO pak para nisjes së seancës bashë me avokatët e tjerë përfaqësues të Berishës. Kujtojmë se Mëngjesi u dhunua brutalisht nga 4 persona më 29 Maj të këtij viti. Këtë sulm e porositi 58 vjeçari Dritan Nano. Siç u mësua asokohe, arsye dyshohet se ka qenë një çështje ligjore.
Mëngjesi ka qenë përfaqësues në një proces civil për trashëgimin e një prone në Tiranë. Procesi është fituar nga ai, por dyshohet se Nano nuk ka pranuar të plotësojë kushtet ligjore të kontratës që kishte me të. Pasi qëndroi 6 ditë i intubuar te “Trauma”, Mëngjesi u dërgua në Athinë për një kujdes mjekësor më të specializuar.
Ndërsa sa i përket dosjes “Partizani”, është gjyqtarja Flojera Davidhi do të vendosë për kalimin ose jo për gjykim.
Vetë Berisha e Malltezi nuk janë paraqitur në seancë. Pas shqyrtimit të dosjes me 333 fashikuj, tashmë gjyqtarja Davidhi pritet që të vendosë sot nëse Berisha dhe dhëndri do kalojnë për gjykim.
Një muaj më parë, SPAK i komunikoi Sali Berishës akuzën e ‘korrupsionit pasiv’ dhe Jamarbër Malltezit atë të ‘korrupsionit’ e ‘pastrimit të parave’ në lidhje me dosjen e ish-kompleksit Partizani.
Akuzat ndaj tyre:
– Sali Berisha ish kryeministri – akuzohet për “Korrupsionit pasiv të funksionarëve të lartë shtetërore ose të zgjedhurve vendorë”, kryer në bashkëpunim, me Jamarbër Malltezin parashikuar nga neni 260 e 25 i Kodit Penal.
– Jamarbër Malltezi – dhëndri i ish kryeministrit – akuzohet për “Korrupsioni pasiv të funksionarëve të lartë shtetërore ose të zgjedhurve vendorë”, kryer në bashkëpunim me Sali Berishën pasi në marrëveshje me këtë të fundit, duke shfrytëzuar pushtetin e ish Kryeministrit, ka arritur të marrë përfitimet e parregullta! Akuzohet dhe per “Pastrimit të produkteve të veprës penale ose veprimtarisë kriminale”, parashikuar nga neni 287 paragrafi i dytë i Kodit Penal.
– Fatmir Bektashi – Ndërtuesi akuzohet “Korrupsionit aktiv të funksionarëve të lartë shtetërorë”, parashikuar nga neni 245 i Kodit Penal dhe ‘pastrim parash’
Xhimi Begeja- Ortaku i Malltezit, trashegimtar i tokës dhe bashkëpronar i ‘Homeplan’ akuzohet për ‘Pastrim Parash’.
– Andia Pustina – Financierja që kryente të gjitha operacionet financiare dhe ligjore të Homeplan sh.p.k – Akuzohet për ‘Pastrim Parash’ .
