Zbardhen detaje nga debati i ashpër në sallën e gjyqit mes kryetarit të Partisë së Lirisë, Ilir Meta dhe prokurorëve, Altin Dumani, Arben Kraja dhe Sotir Kllapi.
Burime nga Gjykata e Posacme kanë zbardhe pjesë nga ky debat dhe akuzat e bëra nga kreu i PL-së.
Ish presidenti Ilir Meta me tone të ashpra i është drejtuar me fjalë të renda ndaj kreut të SPAK, duke e cilësuar si “Dum duman”, “Qen” dhe madje ka kapur veshin e tij duke i thënë: “Këtu ta kam, mbaje mend çfarë kam për të të punuar”.
“Këtu do të vini edhe ju si unë. Më keni arrestuar me urdhër të narkoshtetit, merrni urdhër nga Rama, është shkelje e ligjit“, bëhet e ditur se ka thënë gjatë debatit në sallën e gjyqit, kreu i PL-së, Ilir Meta.
Ndërkaq, pasi doli nga salla e seancës së masave të sigurisë, deputetja e PL-së, Monika Kryemadhi u shpreh se, Meta thjeshtë i përkëdheli prokurorët e SPAK.
“Ku kanë b*thë me fol ata… Arben Kraja a e ka mbesën drejtoreshë prokurimesh në Bashkinë e Tiranës? Meta për mua sikur i përkëdheli ata, jo sikur i kërcënoi”, tha Kryemadhi për mediat para SPAK.
