Pas publikimit nga emisioni investigativ ‘Stop’ të një ngacmimi seksual nga ana mjekut Pëllumb Hysko, ky i fundit është arrestuar nga policia.
Ai akuzohet për veprat penale “Shpërdorimi i detyrës” dhe “Ngacmimi seksual”.
Gjithashtu është proceduar edhe laboranti Artur Zeko.
Njoftimi i policisë:
Në lidhje me një rast të transmetuar mbrëmjen e djeshme, në emisionin investigativ “Stop”, ju bëjmë me dije se:
Pas transmetimit të pamjeve filmike, specialistët e Sektorit për Hetimin e Krimit Ekonomik dhe Financiar në DVP Tiranë ndaluan shtetasin P. H., 58 vjeç, i dyshuar për veprat penale “Shpërdorimi i detyrës” dhe “Ngacmimi seksual” parashikuar nga neni 248 dhe 108/a të Kodit Penal.
Gjithashtu proceduan në gjendje të lirë shtetasin A. Z., 51 vjeç, për veprën penale “Shpërdorimi i detyrës” parashikuar nga neni 248 i Kodit Penal.
Drejtoria Vendore e Policisë Tiranë falënderon stafin e emisionit investigativ “Stop”, mediat dhe qytetarët që denoncojnë rastet e paligjshmërisë dhe i fton ata që të denoncojnë çdo rast paligjshmërie, duke iu garantuar reagim të menjëhershëm.
Lexo edhe:
“Uff…, do ta derdh në gojë”/ Skandali, mjeku ngacmon dhe i kërkon s*ks pacientes (VIDEO+18)
