Kryeministri Edi Rama ka reaguar në lidhje me sulmin terrorist të regjistruar në Ankara të Turqisë, ku deri më tani ka shkaktuar 5 viktima dhe 22 të plagosur.
Rama thotë se është thellësisht i pikëlluar, teksa shton se Shqipëria qëndron me Turqinë si dy vende vëllazërore dhe aleate të NATO-s. Kreu i qeverisë shprehet se e dënon fuqishëm terrorizmin në të gjitha format e tij, duke shtuar se Turqia do të dalë më e fortë nga një sulm kaq frikacak ndaj qytetarëve të saj të pafajshëm.
“Jemi thellësisht të pikëlluar nga raportimet e të vdekurve dhe të plagosurve në Ankaray Shqipëria qëndron me Turqinë si dy vende vëllazërore dhe aleate të NATO-s. Ne e dënojmë fuqishëm terrorizmin në të gjitha format e tij dhe mbetemi plotësisht të bindur se Republika Turke do të dalë më e fortë nga një sulm kaq frikacak ndaj qytetarëve të saj të pafajshëm.” – shkruan Rama.
