Policia ka arrestuar një 26-vjeçar, i cili gjatë ditës së djeshme ka ofenduar dhe i ka hequr kapelen efektivit të Rrugores, Xhuliano Spahiu.
Ngjarja ka ndodhur ditën e djeshme (21 Tetor) rreth orës 12:10 në rrugën “Asim Vokshi”, pranë kryqëzimit të “Don Boskos”, teksa efektivi i Rrugores po menaxhonte trafikun.
Sipas uniformave blu, në momentin që polici ka dhënë sinjal të qartë për ndalimin e mjeteve që vinin nga rruga “Don Bosko” për të reduktuar fluksin e lëvizjes, automjeti i drejtuar nga Skerdi Lozi vijoi lëvizjen.
Punonjësi i policisë raportohet se ka fotografuar mjetin e 26-vjeçarit dhe gjatë këtij momenti ai ka dalë nga makina, duke ofenduar dhe shtyrë efektivin e Rrugores, si edhe i ka hequr kapelen duke ia hedhur në tokë.
Ai u neutralizua dhe u shoqërua në Komisariatin e Policisë nr. 3. Gjatë kontrollit, rezultoi se i riu drejtonte mjetin nën ndikimin e substancave narkotike, përkatësisht amfetaminës dhe kokainës.
Lexo edhe:
VIDEO/ Degjenerohet në rrugë polici i Rrugores, qyetari i hedh kapelen në tokë
