Reshje të denduar shiu kanë përfshirë këtë fundjavë Italinë nga veriu në jug, duke shkaktuar edhe përmbytje masive, teksa kjo “valë” ka përfshirë edhe Siçilinë, e cila ka qenë në një thatësirë prej muajsh të tërë.
JMediat vendase raportojnë se mbi 80 milimetra shi ranë në Emilia-Romagna në 4 orë, duke përmbytur një pjesë të madhe të qytetit të Bolonjës dhe zonën përreth.
Përmbytjet shkaktuan edhe viktimën e parë, pasi një djalë 20-vjeçar humbi jetën në Pianoro. Ai po udhëtonte me vëllain e tij në një makinë të goditur nga një valë përmbytjeje.
Gjatë natës përmbytjet kanë shkuar edhe Ravenna, Modena, Reggio Emilia dhe reshjet e kanë bërë kritike situatën në të gjitha rrugët.
Në Bagnacavallo, në zonën e Ravenës, u urdhërua evakuimi total i zonave të prekura nga përmbytjet.
Në Cesenatico, në vetëm pak orë ranë 70 milimetra shi, duke shkaktuar krizë në një pjesë të kanalizimeve dhe nënkalimeve, si dhe u pezullua qarkullimi hekurudhor.
Ishulli Stromboli u godit nga një përmbytjet që vërshuan si lumë duke pushtuar rrugët. Banorët u bllokuan brenda shtëpive të tyre dhe u desh ndërhyrja e Mbrojtjes Civile.
Një rrëshqitje dheu në zonën e Kazinosë në Ellera, izoloi pesë shtëpi. Shiu i vazhdueshëm, i cili preku për orë të tëra Marche, shkaktoi përmbytje veçanërisht në zonën bregdetare midis Senigallia dhe Ancona. Një familje u evakuua.
Sot ka një alarm portokalli në Kalabrinë jugore dhe Joniane, në një pjesë të madhe të Emilia-Romagna, Veneto dhe Basilicata dhe n juglindje të Lombardisë. Në trembëdhjetë rajone të tjera alarmi do të jetë i verdhë.
Po ashtu raportohet se është pezulluar qarkullimi hekurudhor në disa zona.
