Deputeti i PL-së Petrit Vasili ka reaguar ashpër pasi Gjykata e Romës rrëzoi Paktin Rama-Meloni për sjelljen e refugjatëve të kapur në ujërat ndërkombëtare në Gjadër.
I ftuar në Syri TV, Vasili bëri një deklaratë të fortë, ku tha se Rama, deputetët dhe anëtarët e Gjykatës Kushtetuese duhet të dënohen për tradhti të lartë pasi sipas tij, shitën Shqipërinë.
“Praktikisht përfundimisht ka marrë vulën që një kryeministër dhe 70 e ca deputet dhe anëtarët të Gjykatës Kushtetuese morën përsipër të shesin Shqipërinë sepse arritën në gjënë më të rëndë që të dhunojnë kushtetutën e vendit.
Shqipëria është në momentin më kritik të saj pasi nuk është më me organe të ndara dhe kushtetuta prevalon mbi gjithçka. Pyetja që shtrohet a është një tradhti i lartë që i bëhet vendit dhe a duhet që këta persona të mbajnë përgjegjësi për këtë vendin dhe guxim për të shitur vendin.
Sot e ashtuquajtur drejtësi e re a vepron për të ndëshkuar tradhtarët pasi ata që shitën Shqipërinë kanë emra dhe mbiemra”, tha Vasili.
