Një aksident ka ndodhur rreth orës 19:10 të mbrëmjes se sotme, ne aksin rrugor Kolonjë-Fier, në fshatin Vajkan ku një automjet është përplasur me një biçikletë.
Drejtuesia e automjetit, Aleksandra Muskaj, banuese në Levan-Fier, drejtonte automjetin tip Range Rover, teksa është përplasur me biçikletën.
Drejtuesi i biçikletes Tafil Kumanaku banues në Vajkan është transportuar me ambulancë drejt Spitalit Rajonal Fier për ndihmë mjekësore, jashtë rrezikut për jetën.
Njoftimi:
‘Rreth orës 19:10, në aksin rrugor “Kolonjë-Fier”, shtetasja A. M., 25 vjeçe, duke drejtuar automjetin, ka përplasur biçiklistin, shtetasin T. K., 50 vjeç.
Nga përplasja është dëmtuar shtetasi T. K., i cili u transportua për në spital, për ndihmë mjeksore, jashtë rrezikut për jetën.’
Në vendngjarje ndodhet policia dhe grupi hetimor i cili po punon për të zbardhur shkaqet e aksidentit në fjalë.
