Oligarku Gjergj Luca ka pjesën më të madhe të sipërfaqeve ujore për peshkim, por edhe shumë prona shtetërore të cilat i ka përfituar me 1 euro nga qeveria Rama.
Por oligarku i Ramës po helmon klientët e tij siç edhe shihet në një video nga magazina e tij në Elbasan, atje ku edhe është fabrika kryesore. Në magazinën e açugeve, të cilat pas paketimit shpërndahen për shitje, “vlojnë” mizat.
Në një denoncim për JOQ, një person shkruan se açuget përgatiten në kushte të tmerrshme, plot me insekte të ngordhura. Denoncuesi shprehet se, edhe pas denoncimit, nuk beson që AKU do t’i shkojë atij për kontroll, por shton se për të mirën e shëndetit publik duhet të informojmë njerëzit që të dinë se çfarë po konsumojnë.
“Kam një video që tregon sesi ky Luca i famshëm, që na ka lodhur me videot e tij, përgatit açuget. Në Elbasan, açuget përgatiten në kushte të tmerrshme, plot me insekte të ngordhura. Nuk besoj se AKU-ja do t’i shkojë atij, por për të mirën e shëndetit publik, le t’i informojmë njerëzit që të dinë se çfarë po konsumojnë. Z. Luca, në vend që të merret me “shoë”-n e tij të zakonshëm, le të shikojë çfarë i serviret shqiptarëve dhe të huajve te Fish City. Magazina ku depozitohen açuget, për t’u paketuar më pas për shitje, është gjithashtu në kushte të papranueshme.” – shkruan denoncuesi për JOQ.
