Ditën e sotme rikthehet sërish seancat plenare në Kuvend, pas dy javësh, për shkak se atë të enjtes së kaluar, kryeparlamentarja Elisa Spiropali e shtyu me urdhër të Ramës për shkak se erdhi Erdogani.
Në seancën e sotme plenare, socialistët kanë dyfishuar numrin e gardistëve që kanë rrethuar Kuvendin, por jo vetëm kaq, por edhe e gjithë godina e parlamentit është rrethuar me kangjella hekuri, për të tentuar me çdo mjet dhe mënyrë për të lënë opozitën jashtë.
Ndërkohë, deputetët socialistë janë parë që të futen në Kuvend rreth 90 minuta para nisjes së seancës për shkak të frikës së përplasjes me deputetët e opozitës.
Në seancën e sotme plenare është programuar që të zhvillohet interpelancë me ministren e Turizmit dhe Mjedisit, Mirela Kumbaron, e kërkuar nga deputeti Agron Shehaj, si dhe raportimi i raportit vjetor të Kontrollit të Lartë të Shtetit.
Po ashtu, mazhoranca pritet të miratojë edhe ndryshimet në ligjin “Për shërbimin veterinar” dhe Për lejet e mjedisit”.
