Seanca e sotme plenare zgjati për rreth 1 orë e 50 minuta, teksa u karakterizua me tensione dhe përplasje të forta, si brenda ashtu edhe jashtë sallës, ku mazhoranca duket e vendosur për të tentuar me çdo mjet dhe mënyrë për të mbajtur opozitën jashtë Kuvendit. Ndërkohë ra në sy që opozita nuk lejoi të raportont kreu i KLSH-së Arben Shehu i vetmi institucion në vend që si vjen për shtat oreksit të kryeministrit Rama.
Deputetët e mazhorancës ishin futur në sallë 90 minuta për herët për të shmangur përplasjet me kolegët e tyre të opozitës.
Ndërkohë, në përfundim të seancës, deputetët e opozitës po i prisnin socialistët në oborrin e Kuvendit, teksa ishin pozicionuar pranë disa automjeteve në oborr.
Por çfarë ndodhi që deputetët e mazhorancës dhe ministrat u larguan nga Kuvendi pa iu prekur një qime floku?
Në përfundim të seancës, protestuesit që ndodheshin para Bashkisë së Tiranë kanë shkuar tek Kuvendi dhe kanë tentuar të futen në oborr nga dera kryesore. Atyre iu janë bashkuar menjëherë dhe deputetët e PD-së duke harruar “misionin” e tyre pse po qëndronin në oborr të Kuvendit.
E teksa, protestuesit dhe deputetët e PD po përplaseshin me efektivët e Gardës së Republikës dhe Policisë tek dera kryesore, deputetët socialistë dhe ministrat u larguan të qetë nga dera anësore.
Ndërkohë që demokratët grushtoheshin me policët, socialistët i kishin “kapur” shtëpitë apo restorantet për të ngrënë drekat me karkaleca dhe krudo.
Nuk dihet nëse ky ishte një skenar për të shmangur përplasjet mes kolegëve apo një dështim “plani” nga ana e demokratëve. E pakuptueshme se përse deputetët socialistë të punësuarit e kryeministrit Rama nuk u qerasën më vezë ose domate në dalje të Kuvendit të Shqipërisë. Në fund të fundit deputetët e opozitës u dhunuan nga Kryekuvendarja Elisa Spiropali dhe urdhrat e saj dhe jo nga policët e FNSh-së.
Në situatën kur e panë që ishte e pamundur për t’u futur në Kuvend, demokratët ajo që iu kishte ngelur ishte thjesht të prisnin socialistët jashtë Kuvendit.
Në një kohë kur pretendojnë se janë dhunuar nga Garda me urdhër të Elisa Spiropalit, demokratët nuk mund të marrin plumbat dhe armët, por minimumi duhet ta prisnin jashtë Kuvendit me miell dhe vezë atë dhe socialistët e tjerë që i përjashtuan me nga 2 muaj.
Në fund demokratët u përplasën me një polic që te këllëfi i pistoletës nuk kishte armë por një shishë.. ndoshta të mbushur me vazelinë, ku i dihet.
