Avokati Genc Gjokutaj i ftuar mbrëmjen e sotme në ‘Çim Peka Live’, u shpreh se nuk është aspak e drejtë që Salianji të gjendet në një burg të sigurisë së lartë, me kriminelë të rrezikshëm teksa shtoi se “është e turpshme që në burg të jetë dhe Geron Xhafa dhe Salianji sepse duhet të jetë Geroni jashtë, ose Salianji”.
“Çështja e Salianjit është një konfirmim i asaj ça thamë për çështjen e Berishës për një vit të tërë, goditja e tij ishtë në prag fushate.
Shqipëria ka disa burgje por sigurisht që burgjet sot, sistemi peniteciar nuk bazohet te shtresa nga vjen ti në burg por ka nivelet e sigurisë, siguri e lartë dhe e ulët.
Ky është niveli i sigurisë.
Mund ta vësh në një ambient të veçuar por nuk mund të bëhen burgje të posaçme.
Ajo që unë mendoj dhe kam idenë është se ne duhet të ndalojmë të futen njerëz të pafajshëm, por një deputet që është kriminel atje le të shikojë nuk është problem.
Rasti i Salianjit është flagrant.
Rama ka sjellë një risi, në asnjë vend të botës nuk voton burgu për qeverinë, vetëm këtu votohet në burg.
Imagjinoni që ky është një parametër shumë i lartë, aftësi shumë e madhe kjo, të bësh burgaxhinjtë, t’i bësh votues të qeverisë.
Unë e kam takuar gjithashtu Salianjin dhe ai është në gjendje shumë të mirë morale.
Është e turpshme që në burg të jetë dhe Geron Xhafa dhe Salianji sepse duhet të jetë Geroni jashtë, ose Salianji”, tha Gjokutaj.
