Shqipëria e nisi shkëlqyeshëm pjesën e dytë kundër Gjeorgjisë, duke gjetur golin në minutën e 48-të.
Golin e shënoi mesfushori Kristjan Asllani pas një aksioni mjaft të bukur të skuadrës.
Por avantazhi i kuqezinjve mund të ishte më i thellë. Fillimisht Nedim Bajrami u gjend në një pozicion mjaft të favorshëm në minutën e 57-të.
Asani pason për Bajramin në qendër, gjuajtja e mesfushorit kalon jashtë ngjitur me trekëndëshin e portës gjeorgjiane.
Disa minuta më pas, Mirlind Daku i sapo futur në lojë pasi zëvendësoi Indrit Tucin pati një tjetër mundësi të mirë shënimi.
Goditje dënimi e Asllanit, topi i çuar në qendër të zonës gjen Dakun i cili godet me kokë, por pa kthyer topin në portë.
Vetëm dy minuta më pas Thomas Strakosha i mohon golin vendasve. Mikautadze e sheh veten bosh në qendër të zonës dhe gjuan sapo sheh portën, Strakosha ndal gjuajtjen e tij të parë dhe pastaj Ismajli të dytën.
