Orët e paradites vijojnë nën ndikimin e kthjellimeve dhe vranësirave të shpeshta në veri dhe zona të izoluara në qendër duke rrezikuar rrebeshe të izoluara shiu, por pasmesditës priten largim gradual i vranësirave në të pjesën më të madhe të territorit duke lënë me vranësira vetëm zonën malore Lindore.
Pjesa e dytë e ditës do të vijojë në ndikimin e motit të kthjellët dhe vranësirave të lehta e kalimtare në të gjithë Shqipërinë. Të njëjtat kushte të qëndrueshme atmosferike do të na shoqërojnë në mbrëmje edhe gjatë natës.
Temperaturat e ajrit do të pësojnë rënie të lehtë në në dy vlerat ekstremale ditore duke u luhatur nga 9°C vlera minimale deri në 26°C vlera maksimale që pritet përgjatë zonës së ulët.
Era do të fryjë e lehtë dhe mesatare me shpejtësi maksimale mbi 45 km/h nga drejtimi permanent Veriperëndimor; duke krijuar në brigjet detare dallgëzim MBI 3 ballë.
Kosova
Gjatë ditës së shtunë, Republika e Kosovës do të paraqitet nën dominimin e kushteve të qëndrueshme atmosferike gjatë paradites duke bërë që moti të jetë kryesisht i kthjellët, por pas mesditës dhe në vijim vranësirat do të bëhen të dukshme në pjesën më të madhe të republikës së Kosovës, ku më të theksuara vranësirat do të paraqiten në zonat përgjatë kufirit me territorin shqiptar. Megjithatë nuk priten reshje. Parashikohet që edhe lagështira në ajër të pësojë rritje të ndjeshme. Temperaturat e ajrit do të pësojnë rënie të lehtë në në dy vlerat ekstremale ditore duke u luhatur nga 7°C minimalja e shënuar përkatësisht në qytetin e Mitrovicës deri në 20°C vlera maksimale në Gjakovë. Era do të fryjë e lehtë dhe mesatare duke arritur shpejtësinë 45 km/h nga drejtimi veriperëndimor.
Maqedonia e Veriut
Republika e MV përgjatë paradites paraqitet në ndikimin e motit të kthjellët dhe të ngrohtë, por orët e pasdites do të kenë kalime vranësirash në të gjithë MV, ku më të dukshme vranësirat do të jenë në zonat perëndimore dhe jugperëndimore të MV ku do të krijohet mundësia për momente me pika shiu. Parashikohet që kjo situatë atmosferike me kthjellime dhe vranësira të herëpashershme të na shoqërojë deri vonë në mbrëmje kur pritet shtim gradual i vranësirave në të gjithë MV si edhe lagështira në ajër do të jetë e lartë. Temperaturat e ajrit do të pësojnë rënie të lehtë në në dy vlerat ekstremale ditore duke u luhatur nga 7°C minimalja deri në 23°C vlera maksimale në rang territori. Era do të fryjë e lehtë dhe mesatare duke arritur shpejtësinë 40 km/h nga drejtimi verior.
Europa
Zhvillimi i stuhisë Kirk ka mbërritur në brigjet Perëndimore të kontinentit Europian duke sjellë reshje të dendura shiu si edhe stuhi të forta ere mbi 100 km/h në Britaninë e madhe si edhe gadishullin Iberik, ku problematike situata paraqitet në Portugali dhe Spanjë. Po ashtu Alpet Europiane si edhe zonat përreth tyre do të dominohet nga reshje të dendura shiu; kryesisht Jugu i Francës ndërsa nën ndikimin e masave ajrore të qëndrueshme do të paraqiten; gadishulli Apenin, gadishulli i Ballkanit si edhe si edhe brigjet greke.
