Irani njoftoi sot se ka gjetur trupin e gjeneralit Abbas Nilforoushan, i cili u vra nga Izraeli në fund të shtatorit së bashku me liderin e Hezbollahut pro-iranian të Libanit, Hassan Nasrallah.
“Trupi i dëshmorit Abbas Nilforousan është gjetur falë përpjekjeve të vazhdueshme”, njoftoi Garda Revolucionare, ushtria ideologjike e Iranit, duke sqaruar se data e riatdhesimit dhe funeralit të saj do të shpallet më vonë.
Abbas Nilforousan, një nga komandantët kryesorë të Forcës Quds, njësia elitare e Gardës Revolucionare, u vra më 27 shtator në periferitë jugore të Bejrutit së bashku me Nasrallah në një sulm izraelit.
Më 1 tetor, Garda Revolucionare tha se gati 200 raketat e lëshuara nga Irani ndaj Izraelit ishin një masë hakmarrëse pas vrasjes së Nilforoushan, Nasrallah dhe liderit palestinez të Hamasit Ismail Haniya në korrik.
Izraeli që atëherë është zotuar të përgjigjet. Ministri i Mbrojtjes Yoav Gallad tha se sulmi do të ishte “vdekjeprurës, i saktë dhe mbresëlënës”, me Teheranin që u përgjigj se ishte “gati“.
