Dështon për të disatën herë seanca në Apelin e Posaçëm për inceneratorin e Fierit.
Shkak këtë të premte për shtyrjen e seancës u bë mungesa e dy avokatëve të ish ministrit të mjedisit Lefter Koka. Njëri prej tyre Denis Karaj u gjobit me 5 mijë lekë të reja, ndërsa Julian Mërtiri paraqiti shkresë në sekretarinë e gjykatës, ku njoftoi se kishte një problem shëndetësor.
Ndërsa Karaj njoftoi gjykatën që ishte jashtë vendit, gjë e cila nuk u mor parasysh nga gjykata që vendosi ta gjobiste atë.
Procesi në Apel ka ngecur duke shënuar edhe një precedent të lartë të numrit të seancave të shtyra, ku ende nuk janë paraqitur argumentet e SPAK dhe mbrojtjes së të pandehurve, teksa këta fundit kundërshtojnë vendimin e Shkallës së Parë që i dënoi.
Seanca e radhës u la më datë 18 tetor në orën 11:00.
