Shqipëria përballet sonte në orën 20:45 ndaj Republikës Çeke për raundin e tretë të Ligës së Kombeve.
Dueli i sotëm në Pragë është shumë vendimtar për fatin e dy skuadrave që kërkojnë të bëjnë përpara drejt Ligës A në Ligën e Kombeve.
Si vendasit, ashtu edhe kuqezinjtë, kanë nga tre pikë pas dy ndeshjeve të para në shtator dhe tani kërkojnë të përmirësojnë bilancin e tyre. Shqipëria fitoi ndeshjen e parë ndaj Ukrainës ndërsa pësuam disfatë në shtëpi përballë Gjeorgjisë.
Sa i përket formacioneve, tekniku Sylvinho duket të mos ketë ndërruar asgjë nga nga titullarët e zakonshëm, ku në portë sërish vendoset Strakosha, ndërsa në krahët e mbrojtjes janë Hysaj e Mitaj, me qendrën që mbulohet nga Kumbulla e Ismajli, kjo për shkak edhe të mungesës së Berat Gjimshitit.
Para mbrojtjes vendosen Qazim Laçi e Ylber Ramadani, ndërsa Asani, Asllani e Bajrami vendosen pas “bomberit” të vetëm, Mirlind Daku.
FORMACIONET ZYRTARE:
