Një heshtje e papritur pushtoi sallën e gjyqit në Avignon ndërsa tre ekrane të mëdha televizive, të vendosura lart në tre mure, u shfaqën pamjet filmike të abuzimeve sekuale që i ishin bërë Gisèle Pelicot.
Këto video, të filmuara nga Dominique Pelicot dhe të mbajtura në një hard disk që ai e kishte emërtuar “abuzimi”, dokumentojnë sulmet ndaj ish-bashkëshortes së tij, Gisèle, gjatë një dekade.
Pesëdhjetë burra akuzohen se e përdhunuan pasi ajo u drogua dhe u la pa ndjenja në shtratin e çiftit nga bashkëshorti i saj.
Gisèle Pelicot tani 72-vjeçe ka hequr dorë nga anonimiteti i saj, kështu që detajet e plota të asaj që ajo iu nënshtrua mund të zbulohen për publikun francez. Avokatët e saj luftuan që videot e krimeve të shfaqeshin në gjykatë.
Edhe pse gjykatësi më herët kishte thënë se njerëzit “me prirje të ndjeshme” do të mund të largoheshin, një nga ekipi ligjor i Gisèle Pelicot tha se shumë kishin vendosur ta “shikonin përdhunimin drejt e në sy”.
Shumë nga burrat e rekrutuar nga ish-bashkëshorti i saj në internet këmbëngulin se nuk besonin se ajo që po bënin ishte përdhunim.
Dominique Pelicot u ul pas një paneli xhami, i shtrirë në karrigen e tij. Flokët e tij gri të prera mjeshtërisht, dora e majtë e ngritur për të bllokuar pamjen e tij nga ekrani.
Gisèle Pelicot u ul në anën e kundërt të fushës, me kokën pas murit, me sytë mbyllur herë pas here. Një shprehje boshe, e palexueshme në fytyrën e saj.
