Është shoqëruar me debate të forta mbledhja e sotme në Komisionin Hetimor për shërbimet publike të ‘Sterilizimit’ dhe të ‘check-up’ në Shëndetësi.
Një ditë pas protestës së “Mosbindjes Civile”, zv.kryetari socialist Plarent Ndreca sapo mori fjalën provokoi ligjvënësit demorkratë duke i uruar “mirëseardhjen” me ironi pas bojkotit disa ditor.
Kaq ka mjaftuar që të shpërthejë debati mes Vokshit dhe Ndrecës i cili përdori një fjalor banal, ndërsa kundërpërgjigjia nga demokratët nuk mungoi. Pjesë nga debati:
Ndreca: Mirëseerdhet se kishit disa ditë që mungonit
Ina Zhupa: Po na përjashtove ti
Albana Vokshi: E kishit bërë skenarin, është injorancë kjo e juaja, mos t’i drejtoheni opozitës që drejton komisionin
Ndreca: Jeni për luftë për mirë është të qetësoheni, nëse doni të bëni rrugaçin në komison
Voksh: Kujdes me fjalorin, si s’të vjen turp
Ndreca: Boll se le nam, ti kupton shqip apo jo
Vokshi: Mos provoko se ke kaq ditë
Ndreca: Po ik se me presion s’të njof fare, ti të bësh presion maxhorancës, s’ka shans askush
Vokshi: Nuk flet dot me fjalor rruge
Ndreca: Është shqipe e pastër
Vokshi: Na quani rrugaçe, shko thuaje te PS këtë. Ti nuk flet me këtë fjalor
Ndreca: Zonjë nuk e ke pronë private këtë
Vokshi: Ti nuk e merr më fjalën
Ndreca: Nuk zgjidhet dhunë, o molotovi o kushtetuta
(Do ta provosh dhunën ti, pse nuk erdhe dje në protestë ti cubi)-dëgjohet nga salla.
Vokshi: Ju kushtetutë keni fjalën e Edi Ramës, nuk keni
