Familjarët e foshnjës 5 ditëshe që humbi jetën në maternitetin e Vlorës, kërkojnë drejtësi dhe hedhin akuza ndaj mjekëve.
Neritan Halilaj, babai i foshnjës, ka deklaruar në News24 se i ka ende të freskëta në memorie momentet kur mori lajmin e hidhur dhe kërkon përgjigjet e pyetjeve të tij. Sipas Halilajt djali ka qenë shumë mirë.
Ka qëndruar 4 ditë në spital për shkak se i kishin dalë disa shenja si puçrra në trup dhe do merrte mjekimin për to. Ditën e pestë do e nxirrnin madje kanë edhe fletë-dalje nga spitali. Por nuk kanë mundur ta nxjerrin të gjallë prej andej. Ai tregon momentet më të vështira të jetës së tij që kaloi.
“Arsyen nuk e di, e di doktoresha pse”, thotë babai.
Halilaj tregon se e ka lajmëruar bashkëshortja e cila ka parë djalin e pajetë rrethuar nga doktorët. Ka shkuar në spital teksa kur ka parë djalin pajetë i ka rënë të fikët.
Kur është përmendur Halilaj thotë se ka nisur të kërkojë shpjegime, por askush si ka thënë asgjë. Sipas tij, fajtore është mjekja që i ka dhënë mjekim të gabuar ose antibiotikë.
