Partizani dhe Dinamo e panë veten përballë në futbollin e moshave këtë javë.
Dinamo U-19 u kthye te fitorja ndaj “Demave” me ndihmën e një penalltie të ekzekutuar nga gabonezi Zhordi, i ardhur te blutë në merkaton e verës.
Ishte një penallti e krijuar nga një kombinim mes Dukës dhe Bushatit, me këtë të fundit që pëson faull dhe i jep shansin të tijve për golin e avantazhit.
Ky gol i të 63-ës rezultoi vendimtar deri në fund në “Arenën e Demave”, duke i dhënë Dinamos tri pikë me shumë vlerë, pasi e kishte nisur keq sezonin.
Blutë e trajnerit Bledi Kadiu renditen në vendin e shtatë, ndërsa të kuqtë të dytët.
