Një aksident automobilistik është regjistruar mesditën e kësaj të diele në autostradën Tiranë-Elbasan.
Mësohet se tre automjete janë përplasur me njëra-tjetrën dhe siç shihet në foton e mësipërme, njëra prej tyre ka përfunduar e përmbysur në rrugë pas përplasjes.
Shkaku i aksidentit dyshohet të ketë qenë lagështira në rrugë, teksa ende nuk dihet nëse a ka të plagosur.
Për shkak të aksidentit është krijuar trafik i rënduar në drejtim të Elbasanit.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
