Manchester City është në merkato për të gjetur një mesfushor pas dëmtimit të Rodrit në gju, me spanjollin që ka mbyllur sezonin para kohe.
Për këtë gjiganti anglez ka vënë në shënjestër Alan Varela-n. Mesfushori argjentinas ka qenë në formë për Porton kohët e fundit dhe ka tërhequr vëmendjen e kampionëve të Premier League.
23-vjeçari është një profil i ngjashëm me Rodrin dhe ka luajtur nëntë ndeshje deri tani në këtë sezon. Ai kërkohej nga Liverpooli këtë verë, megjithëse një lëvizje nuk u realizua.
Manchester City me sa duket po planifikon të marr argjentinasin në merkaton e janarit.
Raporti shton se Varela ka një klauzolë lirimi prej 60 milionë sterlinash (rreth 70 milionë euro) në kontratën e tij dhe duket se Manchester City është gati ta paguajë shumën.
