Në Tiranë pritet që të hapet së shpejti një zyrë e DEA-s, Agjencia e SHBA Kundër Narkotikëve, e cila do të punojë më së tepërmi në drejtim të luftimit të trafikut të drograve të forta.
Gazetari Andi Tela deklaroi në emisionin “Të Paekspozuarit” në MCN Tv, se kjo nuk duhet shitur si histori suksesi nga qeveria, sepse është njollë dhe Shqipëria është bërë problematike për trafikun e drogës.
“U pyet edhe Çuçi që po vjen DEA, por ai e shiti si të pavlerë. Por tani njoftimi erdhi nga SPAK. Zoti Dumani njoftoi se DEA do të hapë zyrë në Shqipëri. Nuk duhet shitur si histori suksesi, është njollë. Zyra ka qenë në Athinë, një tjetër në Sofia.
Shqipëria është bërë kaq problematike, se ndoshta nuk ka të bëjë thjesht me kalimin e drogës këtu apo moskapjen e drogën në portin e Durrësit. Por aktorët shqiptarë të narkotrafikut kanë forcuar pozitat jashtë. Mbi të gjitha DEA hap zyrën për të parë si pastrohen paratë këtu”- tha Tela.
