Tekniku i Gjermanisë, Julian Nagelsman, ka publikuar sot listën e lojtareve për 2 sfidat e tetorit të vlefshme për Ligën e Kombeve.
‘Panzerat” do të luajnë sfidën e parë në transfertë përballë Bosnje-Hercegovinës më 11 tetor dhe ndeshjen e radhës në shtëpi përballë Holandës, të hënën e 14 tetorit.
Për këto dy sfida kualifikuese, Nagelsman ka përzgjedhur 23 futbollistë. Mbrojtësi i Realit të Madridit, Antonio Rüdiger rikthehet në përfaqësuese së bashku me sulmuesin e Bayern Munich, Serge Gnabry dhe portierin e Salzburg, Janis Blaswich.
Nga ana tjetër Nagelsman nuk ka dërguar as këtë herë një ftesë për mesfushorin me origjinë shqiptare Brajan Gruda, i cili në verë u transferua nga Mainzi te Brighton në Premier League.
Edhe pse Gruda ishte një nga lojtarët premtues që u ftua nga tekniku gjerman për t’u stërvitur me të përzgjedhurit e tij për Europianin 2024, përpara nisjes së kompeticionit, mesfushori shkodran është lënë në harresë prej asaj kohe.
Përgjatë sfidave të shtatorit emri i tij u përfol edhe në kampin kuqezi, si një përforcim i mundshëm në tetor për ekipin e teknikut Silvinjo, ndaj me kuriozitet do të pritet publikimi i listës nga braziliani për të mësuar nëse Gruda do të veshë fanellën e Kombëtares Shqiptare në sfidat përballë Çekisë dhe Gjeorgjisë.
Lista e Gjermanisë:
