Një incident ka ndodhur mbrëmjen e sotme në fshatin Maliq, ku një 72-vjeçar ka përfunduar në gjendje të rëndë në spital pasi është goditur në kokë nga një cjap.
Sipas informacionit të dhënë nga policia, rreth orës 20:00, shtetasi I. S., banues në këtë fshat, është dërguar me urgjencë në spitalin e Korçës për mjekim të specializuar.
“Maliq/Informacion paraprak
Rreth orës 20:00, në Urgjencën e spitalit Korçë, ka shkuar për mjekim shtetasi I. S., rreth 72 vjeç, banues në Fshat Maliq, i cili sipas deklarimeve të familjarëve të tij, e ka goditur në kokë një bagëti e imët (cjap).
Si pasojë e goditjes së marrë, 72-vjeçari gjendet në gjendje të rëndë në spitalin e Korçës.
Grupi hetimor po punon për zbardhjen e rrethanave dhe dokumentimin ligjor të rastit”, njofton policia.
