Kreu i Grupit Parlamentar të Partisë Demokratike, Gazment Bardhi, do të paraqitet këtë të mërkurë në orën 15:00 në Prokuroinë e Posaçme.
Ai është thirrur nga SPAK për të dëshmuar në lidhje me kallëzimin e tij të bërë dy ditë më parë, ku pretendon se i kanë bërë shantazh dhe intimidim në aplikacionin “Signal”.
Më konkretisht, deputetit demokrat i kishte ardhur një mesazh nga një numër ende i paidentifikuar me emër përdoruesi “Mbreti Zog”, ku i kishte dërguar një dokumente, në të cilën pretendoheshin se ishin bisedat në “Sky Ecc” të Ervis Martinajt dhe Erigers Mihasit dhe flisnin për dhënien e 100 mijë eurove Bardhit për fushatë.
Krahas dokumentit shkruhej “Ervis Martnaj, Ergiers Mihasi. Të jesh mirë”. Gazment Bardhi pretendon se ai dokument është i falsifikuar, teksa i ka kërkuar SPAK që të hetojë këtë shantazh ndaj tij.
Në shkresën dërguar Dumanit, Bardhi shprehej se këto komunikime janë një tentativë për ta intimiduar në ushtrimin e detyrës së tij si deputet i Kuvendit të Shqipërisë dhe njëkohësisht si kryetar i Grupit Parlamentar të Partisë Demokratike.
