Deputeti i PD-së, Asllan Dogjani reagoi pas deklaratave të ndërkombëtarëve për djegien e karrigeve para parlamentit. Ai ironizoi diplomatët kur tha se ata shohin karriget, por nuk shohin që Rama ka djegur Shqipërinë.
Dogjani tha se i mirëkupton diplomatët në deklaratat që japin sepse janë diplomatë dhe për shkak të pozicionit që kanë.
Por ai shtoi se janë të pakënaqur për faktin që diplomatët shohin djegien e 5 karrigeve para parlamentit ndërkohë nuk shohin që Edi Rama ka djegur Shqipërinë.
“Edi Rama i ka vu flakën Shqipërisë dhe për shkak të këtij zjarri 1 milionë e gjysëm shqiptarë janë larguar nga Shqipëria.
E drejta për të protestuar është një nga të drejtat themelore të njeriut.
Në Europë në vendet e këtyre ambasadorëve, është djeg Franca është djeg disa herë Greqia për shkak të protestave që protestojnë qytetarët për të drejtat e tyre.
Në Shqipëri nuk zbatohen vendimet e Gjykatës Kushtetuese.
Në Shqipëri, Ervin Salianji arrestohet dhe dënohet pa prova”, tha Dogjani në një emision televiziv.
