Një aksident automobilistik është regjistruar pas mesnatës së kaluar, rreth orës 00:30, në fshatin Zvezdë të Maliqit, në Qarkun e Korçës.
Sipas autoriteteve policore, motori me drejtues shtetasin E. T., 31 vjeç, është përplasur me automjetin tip “Audi” me drejtues shtetasin E. L., 32 vjeç. Si pasojë e aksidentit kanë mbetur të plagosur drejtuesi dhe pasagjeri i motorit, të cilët janë dërguar në spital dhe ndodhen jashtë rrezikut për jetën.
Policia raporton se me drejtuesin e automjetit po kryhen veprimet procedurale. Grupi hetimor po punon për sqarimin e rrethanave të aksidentit.
