Deputeti i Partisë Demokratike, Bledion Nallbati, e quan një hakmarrje politike dënimin e Ervin Salianjit për kallëzim të rremë në dosjen Babale. Nallbati po ashtu tha se ky dënim është një mesazh i Ramës, që kush flet kundër tij, do pësojë të njëjtin fat.
“Hakmarrje politike e Fatmir Xhafës që e deklaronte rëndomë nëpër tavolina kudo ku ulej, që ia më prishi karrierën dhe unë do i prish karrierën. Vendim i një gjykate të disa gjyqtarëve që kanë kaluar vetingun e problematika të theksuara, me ndërhyrjen e Xhafës për bezatin. Ka qenë kërkesë e komsionerit për ta shkarkuar, dhe ka ndërhyrë Xhafaj, dhe me votën e Xhafajt është emëruar në apel.
Arsyeja e dytë është Rama që është duke i dhënë një mesazh jo vetëm Salianjit dhe opozitës, por çdo shqiptari që kush guxon të flasë kundër qeverisë do pësojë këtë fat”, tha Nallbati në Report Tv.
