Policia e Tiranës ka dhënë detaje nga dhunimi i efektivit të policisë, ngjarje e ndodhur rreth orës 05:00 të mëngjesit të sotëm (28 Shtator) në rrugën “Tre Dëshmorët” në Yzberisht.
Efektivi i dhunuar është Arbër Lapi, i cili sapo ka dalë nga banesa është goditur me shkopa bejsbolli nga tre persona ende të paidentifikuar. Këta të fundit pasi e kanë dhunuar policin i kanë marrë armën e shërbimit dhe më pas janë larguar.
36-vjeçari ndodhet në spital në kujdesin e mjekëve jashtë rrezikut për jetën, ndërsa po punohet për kapjen e autorëve, si edhe sqarimin e rrethanave të ngjarjes.
Në dëshminë paraprake, efektivi Labi ka thënë që dyshon për shkak të detyrës. Megjithatë për hetuesit po hetohet dhe pista tjetër e ndonjë konflikti me persona të tjerë që nuk ka lidhje me punën si efektiv burgjesh. Gjithashtu bëhet me dije se i riu për të siguruar të ardhura financiare më shumë, punonte edhe në lokale nate ku mund të ketë patur ndonjë konfliktit me autorët që më pas e dhunuan.
- Njoftimi i policisë:
Tiranë/Informacion paraprak
Më datë 28.09.2024, rreth orës 05:00, në rrugën “Tre Dëshmorët”, Yzberisht, shtetasi A. L., 36 vjeç, banues në Yzberisht, (punonjës pranë burgut 313) sapo ka dalë nga banesa është goditur dyshohet me sende të forta nga tre persona ende të paidentifikuar, të cilët i kanë marrë armën e shërbimit dhe më pas janë larguar.
Aktualisht 36-vjeçari ndodhet në spital në kujdesin e mjekëve, jashtë rrezikut për jetën.
Grupi hetimor po punon për kapjen e autorëve të dyshuar dhe sqarimin e rrethanave të ngjarjes.
Lexo edhe:
EMRI/ E goditën me shkopinj bejsbolli, identifikohet polici i dhunuar
