Qytetarët vazhdojnë denoncimet ndaj kompanisë së ujit “Lajthiza”, i cili edhe pse është ndër më të shtrenjtët në treg, po ofron një cilësi skandaloze.
Në disa denoncime për JOQ, qytetarët shprehen se uji i amballazhuar, i sapo blerë nga marketet, vjen një erë shumë të rëndë dhe ka një shije shumë të keq. Sipas tyre, fillimisht ky problem ishte vetëm tek shihet e mëdha 5 litroshe, ndërkohë që tashmë këtë problem po e hasin edhe tek shishet e vogla.
“Bie erë kërrmë, e pijnë fëmija, e pijmë vetë” – shprehet një qytetare, teksa një i ri shprehet se uji lajthiza bie erë ilaç. Sipas tyre, edhe pse e blejnë me lekë, shitësit e marketeve nuk mbajnë përgjegjësi, pasi sipas tyre, është faji i kompanisë.
Ky problem vijon prej disa javësh, dhe shumica e qytetarët kanë ndryshuar përkohësisht “markën” e ujit që blejnë, por edhe pse po kalojnë ditët, gjithmonë kur e provojnë hasin të njëjtin problem.
Qytetarët kërkojnë analiza të menjëhershme për të vërtetuar cilësinë e ujit dhe për të qetësuar shqetësimet që janë përhapur në komunitet.
Edhe pse javët po kalojnë, deri më tani nuk ka patur asnjë reagim nga AKU, që nuk dihet pse po hesht për një problem që po shqetëson komunitetin.
Gjithashtu, nuk ka patur një reagim as nga kompania, teksa qytetarët janë në dilemë nëse duhet ta blejnë më ujin “Lajthiza” apo jo.
Siç duket, pronari i kompanisë Hajri Elezaj është i zënë me halle të tjera, pasi pak ditë më parë, forcat “Operacionale” të Policisë së Shtetit, i arrestuan të birin, Eduart Elezaj, i cili fshihej në një hotel në Kukës. Ai akuzohet si autor i një plagosje të trefishtë në muajin Korrik në një restorat të njohur në Tiranë, i cili frekuentohet nga VIP-at.
Kujtojmë se dhe në vitin 2019, djemtë e biznesmenit Hajri Elezaj (pronari i ujit Lajthiza), Edison Elezaj dhe R. Elezaj, janë përplasur me Altin Isaranj, vëllai i ish-Drejtorit të Transportit Rrugor Arben Isaraj.
Gjithashtu, në vitin 2013 Hajri Elezaj është dënuar me 6 muaj burg si i përfshirë në skandalin e kontrabandës së naftës Virgin.
Ndërkohë, kompania “Lajthiza” e Hajri Elezit është denoncuar në media dhe se në kundërshtim me vendimet e gjykatës, po tenton zaptimin e 7 burimeve të Mirditës për të ndërtuar fabrikë uji dhe hidrocentral.
