Ka mbërritur në Kuvend shkresa e Prokurorisë ku kërkohet heqja e mandatit të deputetit Ervin Salianji, i cili u dënua dje me një vit burg.
Me mbërritjen e shkresës, pritet që Kuvendi të konstatojë faktin dhe të interpretojë Kushtetutën, duke sjellë më pas edhe ndërprerjen e mandatit të deputetit.
Kujtojmë që më herët kreu i Grupit Parlamentar të PD-së Gazment Bardhi, i dërgoi një shkresë ryetares së Kuvendit, Elisa Spiropali, në lidhje me dënimin nga Gjykata e Apelit të deputetit demokrat, Ervin Salianji.
Bardhi shprehet në këtë letër se Prokuroria po nxitohet me veprimet e saj me qëllim arrestimin politik të Salianjit.
Sipas Gazment Bardhit, Prokuroria po shkel ligjet dhe nuk po merr autorizimin e Kuvendit për arrestimin e një deputeti që “gëzon” imunitet.
