Një aksident me vdekje është regjistruar mbrëmjen e kësaj të mërkure, rreth orës 20:40, në rrugën e Kuçovës.
Autoritetet policore raportojnë se shtetasi A. M., 49 vjeç, banues në Berat, duke drejtuar automjetin e tij, ka përplasur shtetasin B. D., 50 vjeç, i cili ishte duke lëvizur me biçikletë. Për shkak të përplasjes së fortë, ky i fundit ka humbur jetën në vendin e ngjarjes.
Raportohet se shoferi që shkaktoi aksidentin është shoqëruar në ambientet e komisariatit të Policisë Berat për veprime të mëtejshme.
Grupi hetimor ndodhet në vendin e ngjarjes dhe po punon për sqarimin e rrethanave dhe shkakut të aksidentit.
